Planet

Të dashur lexues,


Pas shumë mbledhjesh, më në fund e hartuam një plan!
Pakëz ridekorim, pakëz pushim e shumë punë, arritëm deri tek një përfundim i kënaqshëm! Përzgjedhëm ca anëtarë të rinjë, dhe tani jemi gati për çdo gjë! Këtë herë nuk kishim ëmbëlsira, mirëpo kishim seriozitet dhe përkushtim.

Ridekorimi na pëlqeu, e rezultati edhe më shumë.

Është përzgjedhur kryesia, ku kemi Arlindë Kuqi e cila është kryetare, dhe Amina Kaja, nënkryetare. Në mbledhjen e mbajtur vendosëm edhe përgjegjësitë dhe detyrat e secilit anëtar.

Tani, të ju tregojmë për aktivitetet e ardhshme! Besoj edhe ju do jeni të interesuar më tutje në pjesëmarrje!

Aktivitetet që do t'i mbajmë në kuadër të Klubit të Karrierës janë:

• Trajnimi Busulla.com
• Trajnimi për CV dhe letër motivuese
• Debati me temë "Orientim në Karrierë"
• Panairi i Karrierës
• Takimi me prindër, alumni dhe ekspertë të fushës

Trajnimi me Busullën është aktiviteti jonë i parë, me të cilin jemi duke punuar momentalisht. Do të mbahet të marten, më 01.07.2019, ku disa anëtarë të Klubit do kenë 8 orë trajnimi. Pa dyshim, do jenë të gatshëm ta bartin dijen tek nxënësit e interesuar!

Pastaj, do të mirremi me nxënësit e shkollës sonë, të cilët dëshirojnë të orientohen në karrierë nëpërmjet Busullës. Këtë shpresojmë ta bëjmë në dy ndërrime, pra për nxënësit e paraditës dhe mbasditës.

Tani për tani, gjithçka po shkon mbarë! Kini durim, dhe me kohë do vinë lloj-lloj aktivitetesh që i përgatisim enkas për nxënësit e "Xhevdet Doda". Gur, gur bëhet mur...



Ju përshendesim,

Klubi i Karrierës.