Trajnimi Busulla

Të dashur lexues,

Pas një pushimi të acartë, e mbajtëm trajnimin për Busulla

më datën 01/07/2019! Ishte ftohtë, dhe nuk dihej se cili ishte veshur më trashë, por ia dolëm për bukuri, të dihet. Normal, pa një ҫokollatë të nxehtë as produktiviteti jonë nuk do ishte në nivel!

Trajnimi  u mbajt nga Avenda Rexhaj, në ndërtesën e Kolegjit Riinvest, nga ora 9:00 deri në ora 14:00. Prezentë ishin 10 nga 11 anëtarët e Klubit, ku kishim edhe një “anëtar” të ri, që na u bashkangjit për sot, nga Klubi i Karrierës, gjimnazi  “Hajdar Dushi”, Gjakovë. E mirëpritëm të gjithë me buzëqeshje! As theksi karakteristik i gjakovarëve nuk mungonte!

Anëtarët u njoftuan më thellësisht me Busullën, web faqe e MASHT-it për orientim profesional, edukim dhe këshillim në karrierë. Siҫ
thotë edhe vetë emri, Busulla do na tregojë udhën më të mire për të ardhmen tone, qoftë veri apo jug! Fillimisht, Avenda na shpjegoi bazat e portalit, i cili ishte impresiv, shumëngjyrësh dhe më se informativ. Ka disa teste rreth aspekteve të ndryshme të personalitetit tonë, lista të gjata me profesione, kolegje, shkolla, oferta pune e praktike si dhe

këshilla të mirëfillta. Pra, gjithҫka që do mund t’i nevojitej një personi ishte e paketuar në një web faqe të vetme!

Pas kësaj, patëm një pauzë të vogël, të cilën e shfrytëzuam për të biseduar për kohën e Avendës si nxënëse e “Xhevdet Doda” para ca vitesh, dhe shumë gjëra të tjera për të cilat ju nuk duhet të dini tani për tani J. U ҫlodhëm, dhe menjëherë iu përvishëm punës. Kaloi ca kohë, dhe duhej ta lironim sallën për pak. 

Mbas një mengjesi, vazhduam trajnimin, dhe këtë herë praktikuam teorinë tonë rreth Busullës. Morëm rezultate dëfryese rreth karrierës sonë, duke filluar prej logopedëve e fizioterapeutëve deri te DJ-at dhe fotomodelet. Lexuam rreth karrierës sonë të parapëlqyer, shikuam video të profesionalistëve të fushës dhe hulumtuam rreth kolegjeve përkatëse. Të gjitha këto i gjetëm të gatshme në Busullë! 

Na vizitoi edhe menaxheri i Busullës, i cili pati shumë fjalë të mira për grupin tonë, që ishte ndër të parët që e mbajti këtë trajnim. Na jepi kurajo për të vazhduar udhën më tej, dhe Klubi i Karrierës i mori fjalët e tij me shumë seriozitet e determinim! U dëfryem edhe pak dhe së shpejti u krye kjo fazë kyҫe e objektives sonë. Të vetëkënaqur dhe me hunda të kuqe u rikthyem në shtëpi.

       Hapi ynë i ardhshëm është organizimi i një trajnimi të ngjashëm për nxënësit e “Xhevdet Doda”. Besojmë që do të vazhdojmë me këtë objektivë si të rifillojë shkolla. Ju mirëpresim, dhe shpresojmë që do kemi shumë të interesuar! Nuk jemi fortë të lumtur për shkollë, sepse pushimi e bën të veten, por prapëseprapë mezi presim të njoftojmë edhe ju me këtë portal madhështor të quajtur Busulla.

Klubi i Karrierës,

“Xhevdet Doda”.